Na owiynzina:
800g miynsa z owiynziny
250g szampanioków,
2 łyżki masła,
2 cybule
2 łyżki szmalcu,
1 łyżka monki,
150ml. wywaru z owiynziny,
1-2 łyżki przecieru z tomatów,
1 łyżka zymftu,
100ml. śmietonki,
zmlyto słodko papryka, sól, korzynie
Warzynie napoczynomy od sprawienio owiynziny- łostrzaskanio i porznyńcia jyj na poski . Szampanioki nasamprzód pucujymy , rznymy w plastry i obskwarzomy na połowce masła. Cybula krojymy w kostka i bronocymy na maśle i szmalcu, wciepujemy do nij miynso obskwarzomy , miszomy i obsypujymy monkom. Wlywomy rosól z wywarzonyj owiynziny, potym wciepujemy szampanioki, przecier z tomatów i zampf. Gornek przykrywomy deklym i damfujymy 20 minut na lekkim łogniu. Cały czos dowomy pozór coby nie przypolić, Na łostatku wlywomy śmietonka , sujymy sól, korzynie, zmlyto słodko papryka i chwila damfujymy. Kiej wszystko przewre kosztujymy. Zdo się co na koniec warzynio możno dać kwaśne ogórki i posuć zieleninom.
Na chlyb:
200 g zakwasu żytniego
300 g monki żytniej razowyj
400 g mąki pszynnyj
300 ml maślonki
100 ml wody
2 łyżeczki soli
Monka żytnio i pszynno sujymy do srogiego waszpeka, dodowomy sól i zakwas, potym wlywomy lekko podgrzono woda i maślonka. Wyrobiomy bez 20 minut , dowomy do słomionki i odstawiomy.
Jak chlyb „się poruszo” (bydzie dwa razy taki srogi jak nasamprzód), nacinomy go z lekka a z wierzchu zwilżomy trocha wodą z monkom.
Wkładomy do pieca na 220 stopni na 20 minut a potym na czterdzieści minut w tymperaturze 180 stopni Cylcjusza.
Po upieczyniu jeszcze gorki chlyb majtnąć trza po wierzchu wodą żeby mioł świeconco skórka.
